Выступы Петра Мурянкы на XV Світовых Днях Поезиі (фото/відео)

В Варшаві, од четверга 9. квітня, тырвают XV Світовы Дни Поезиі, о котрых споминали сме уж на нашым портали (до прочытаня за мотузком). Єдным з почестных гости той імпрезы был Петро Мурянка, знаний шыроко во світі лемківскій творця, писатель, поета, редактор і композитор.

Приносиме Вам материял відео зо стрічы і першого выступу П. Мурянкы в рамках XV Світовых Днів Поезиі, котрий одбыл ся в варшавскым Домі Полоніі 14. квітня 2015 р.

Вчера, 16. квітня тр., одбыла ся торжественна Поетыцка Ґаля в Музею Літературы ім. А. Міцкєвича на варшавскым Старым Місті, на котрій Петро Мурянка, як почестний гіст стрічы, сідил в фотели Юлияна Тувіма. Долов можете обізрити знимкы з той подіі.