Знаме вступны результаты конкурсу Віртуальны Гушлі!

Як інформували сме на нашым портали, 16. марця зачало ся, а 26. квітня 2015 р. скінчыло, голосуваня через сайт www.gesle.folk.pl в конкурсі Віртуальны Гушлі на найліпшу фолькову платню за 2014 рік. Спосеред 66 альбомів выберали лем інтернавты (попри тым проходил конкурс на найфайнійшу окладинку тых платен).

Пару минут тому на сайті орґанізатора конкурсу явили ся уж вступны результаты. Найліпша десятка то вказаны ниже выконавці, з котрых выграного познаме 12. мая т.р.:

• Йошко Брода
• Целтік Трі
• Міхал Чаховскі (Індалюція),
• Ганьба!,
• Яр,
• Капеля Ганкі Вуйцяк,
• Персіваль (2 платні),
• Сутарі,
• Толгає.

Дальшы інформациі найдете на сайті орґанізаторів.

“Віртуальны гушлі” то конкурс барз шыроко тыкаючий терміну фольк, понеже народна музыка єст лем інспірацийом, джерелом до творіня і перетворіня єй в інчых музычных стилях – традицийном музыком, співаном поезийом, але і в інчых видах музыкы – од клюбовой, через сучасну аж по тяжкы, метальовы звукы.