Зіґмунд Фройд в цукрі

Фройдовска хыба, то така хыба, котру здефініювал славний творця психоаналізы, дохтор – Зіґмунд Фройд, дослідник того, што в нашых головах сідит. То така хыба, котра выходит з нас незамірено словом, ділом, або помышленієм. Тяжко єй даяк квалифікувати, бо кєд не хочеме дашто выречы, зробити, подумати, а оно фурт само вказує ся світу, то значыт, же в нашій голові занимат важне місце. То часом такє страшыло, котре нияк з памяти вышмарити ся не даст.

Што сідит в голові ЗУПы, або в зупі його головы – не знаме. Зато знаме, же редакторів нашого улюбленого – братнього як Совітскій Союз – «Нашого Слова», котре ЗУПа выдає (в тым єдну сторону в лем собі знаным языку), тіж час-од-часу маґічна рука Зіґмунда Фройда по голові гладит. Смаку додає іщы єдно: фройдовска хыба з ЦУКРом (Центр Украіньской Культуры і Розвитку), а при тым з неправильно – хоц Фройд гварит доцяп інакше – всадженыма в зупу… тфу… ґамбу словами самого експерта од масти на зупу – то уж мікс так солодкій, як і выбуховий.

Бесідуют, же голодній бабі хлоп… тфу… хліб на мысли. Другы фройдовскы хыбы глядайте долов.