Засіданя Світовой Рады Русинів / Руснаків / Лемків

В суботу 28. лютого тр. в місті Дева в Румуніі одбуде ся VIII засіданя Світовой Рады Русинів/Руснаків/Лемків. В пляні засіданя рады єст м.ін.: омовліня актуальной ситуациі Русинів на Підкарпатскій Руси, аналіза і оціна актывности Світовой Рады Русинів і конґресовых комісий, оціна реалізациі проєктів (ґрантів) Світового Конґресу Русинів за 2014 р., выбір шефредактора культурно-белетристычного часопису “Голос Русина”, омовліня орґанізацийных, технічных і містовых прирыхтувань до XIII Світового Конґресу Русинів/Руснаків/Лемків, котрий плануваний є на червец 2015 рока в місті Дева в Румуніі.

Єдным з основных пунктів того засіданя буде предложыня кандидатуры Меджереґіональной Общественной Орґанізациі «ОБЪЕДИНЕНИЕ РУСИНОВ» з Росийской Федерациі на члена Світового Конґресу Русинів.

Окрем засіданя СРР, скликане остало тіж засіданя Культурной Комісиі СРР, котра мат пропонувати розписаня конкурсу з кандидатурами на признаня преміі в обшыри культуры ім. Василя Турока-Гетеша за 2015 рік.

Сайт Культурного Товариства Русинів Романіі – www.rutenii.ro.