З Новым роком продолжати народне діло

Складат ся ріжно в нашым абы-якым жытю. Люде приходят і одходят. І мы, подібно як редактор Вислоцкій, мали гіршы дни. Были редакторы, што метали вшытко гет, але пак вертали. Мали сме бунтовників – анархістів. Але фурт вертали.

Были редакторы, што выполняли гейбы даяку місию. Доднес не выявило ся, што то за плян был. Пішли гет. Но, задля діл редактора Вислоцкого, мы днес дале маме фай-компанію. Компанію грамотных, чытаючых, пишучых еманципантів.

Най же Новый Рочок, што тіп-топ жене ґу нам, буде іщы ліпшый для продолжаня нацийонального діла. Най не убыват нам редакторів, а лем придут свіжы. Ждеме тых, што пішли на урльоп, шак до пенсиі іщы кус. Вернийте, як редактор Вислоцкій вернули.

Отъ Редакціи!

Подаеме до вѣдомости нашихь читателѣвь, же почавши отъ 36-го числа газеты „Лемко“ мѣсце отвѣчательного редактора займе г. Иванъ Андрейко.

Бывшій редакторъ г. Дмитрій Вислоцкій взялъ собѣ увольненіе до Нового року. При томъ складаме г. Дмитрію Вислоцкому всенародне благодареніе за его мозольный трудъ, якій положивъ при взорцевымъ выдаванію народной газеты. Счастъ му Богь, штобъ набралъ новыхъ силъ а съ Новымъ рокомъ повернувъ дальше продолжати народне дѢло.

РЕДАКЦІЯ.

За: ґазета «Лемко», ч. 36 (р. ІІІ), Ґорлиці, середа (8. жолтня/октобра) 25. вересня/септембра 1913 р.