Ювілей Ірины Гарди – Ковачевич

17. вересня 1944 рока в Рускым Кeрeстурі вродила ся вызначна писателька, журналістка, режысерка і тлумачка літературы на русиньскій язык пані Ірина Гарди – Ковачевич.

През долгы рокы робила як новинарка в ґазетах і часописах, котры сут выдаваны през Руснаків в Сербіі. Працувала найперше як редакторка в  „Рускым Слові” – редаґувала там додаток „Литeратурнe Слово”, пак перешла до молодіжного часопису „МАК”, а наконец была редакторком „Дневника”.

Скінчыла студиі на філософічным факультeті Університету в Новым Саді.

Єст вызначном поетком. Єй поезия была печатана в томах Куцик мудросци, Бeзмeнна ява, На дланї зарeнко, дале выдала два томы з вершыками для діти – Tисяч радосци і Бависка. В 1990 році была редакторком антолоґіі поeзиі для діти в русиньскым языку. Єй творы были тлумачены на інчы языкы, головні в бывшій Югославіі.

В 2013 році выдала Керестурскы леґенды, котры вказали ся як книжка але і як радийове слуховиско.
Слуховиско Босоркы уж днес о 20.00 лем в радию лем.фм. Запрашаме!

Босоркы то стары жены, котры жыют коло нас і они знают так поробити чловекови, коли тот ім дашто недобрі зробит, же нон іщы пожалує. Бо они годны ся помстити, коли ся ім дашто планно зробит.
Босоркы можут взяти коровам молоко, женам, котры чекают дітины, можут пошкодити, можут дерева засушыти… Прото зо злыма силами треба ся рахувати. Быти осторожным, а найліпше фурт рыхтувати ся на найгірше.

ГEВТO И ТOТO

Гeвтoт з гeвту гeвтo кoнчи,
Гeвтo рoби, гeвтo снує. . .
Гeвтoму шe гeвтoт гeвтaк,
Яґoд гинтo нє звeрює.

Прeшлo гeвтo – гeвтим гуя.
Гeвтo вeцeй уж нє будзe!
(Пoкля зoз тих ту, тутeйших,
нє пoстaню – гeвти людзe!)

Гeвти чaсци, гeвтoт спoсoб,
Зoз гeвтoгo бoку лєтa.
Шицки гeвти, дaкeдишнї,
нa дзвeрoх су тoгo швeтa.

Гeвтo-тoтo, тoтo-гeвтo.
Тoт шe з гeвтим ищe вaдзи,
A гeвтoт шe уж з гeвтимa
O тим-гeвтим крaшнє рaдзи.

Джерело  – rdsa.tripod.com