Юрий Новосільскій «The Sacred – The Profane – The Sacred»

Вчас Медженародового Конґресу Архітектів, якій проходит в днях 3.-17. вересня/септембра т.р. в Сеули в Кореі, презентувана є експозиция з прикладами трансформаций сакральных обєктів, як тіж зміны іх характеру з сакрального на світскій, а дале і ресакралізацию простору, котрий в прошлым перестал полнити сакральны функциі.

Выставлены фотоґрафіі тыкают темы пограничной архітектуры як місця діялоґу і выміны вартости в архітектурі храмів ріжных віроісповідань. Серед прикладів такых інспіраций найвеце єст прикликаных реалізаций найвызначнійшого лемківского артисты – Юрия Новосільского в римокатолицкых і грекокатолицкых святынях в Польщы.

На ґалерию фотоґрафій презентуваных на выставі в Сеули мож позерати на сторонах Інституту Адама Міцкєвича culture.pl.