Языковы (само)рефлексії

Славяньскы языковы і літературны (само)рефлексії – так ся называть сімпозій, котрый на 10. децембра 2014 приправила Катедра славяньскых філолоґій Філозофічной факулты Універзіты Коменьского в Братіславі.

На тім сімпозію, окрем іншых, выступлять дві робітнічкы Інштітуту русиньского языка і културы Пряшівской універзіты в Пряшові – його директорка доц. ПгДр. Анна Плішкова, ПгД., і його научна тайомничка ПгДр. Кветослава Копорова, ПгД. Перша выступить із рефератом під назвов Русиньскый язык у освітній сістемі Словеньской републікы і в загранічу, друга з рефератом Выдавательскы актівности Русинів по році 1989.

Жрідло: www.rusynacademy.sk