Як захоронити нематерияльну спадковину?

Іщы до 13. жолтня мож ся зголосити на першы варштати Як захоронити нематерияльну спадковину? орґанізуваны Народовым Інститутом Спадковины. Варштаты проходити будут в днях 28.-29. жолтня т.р. в Сандомєжу.

Варштаты направлены сут на орґанізациі і позаурядовы стоваришыня, інституциі культуры і самоурядовы єдиниці.  Прошены сут репрезентанты тых орґанізаций, якы занимают ся хороніньом, промоцийом і документацийом явиск з обшыри нематерияльной культуры, але і представникы позаурядовых орґанізаций, культурно-освітовых інституций, урядів і аніматорів культуры – цілю варштатів є выпрацуваня способів і можливости спільного діяня в обшыри захороніня явиск нематерияльной культуры наций і етнічных ґруп жыючых в Польщы.

Перший ден варштатів то сесия посвячена теориі і практыці захороніня нематерияльной культуры, зґідна з методиком і методолоґійом выпрацуваном через ЮНЕСКО, другого дня будут варштаты з розділом на ґрупы.

Выполнены зголошыня (до побраня за мотузком) мож высылати під адрес niematerialne@nid.pl до 13. жолтня.