Як Липняне політыку робили

“ЛЕМКО” – ґазета для народа, в чыслі 11-12, котре вказало ся на Лемковині 8. лютого 1913 рока, заміщат коротку віст разом з одредакцийным коментарьом.

Віст є така, што Лемко з Липной, уж 15 дни сідит во вязници (басі) за само політычне думаня. Ґазета, на жаль, не пише што він в мыслях наполітыкувал?

Коментар редакциі є доднес актуальний. Політыка народа “панів” была і є така, жебы Лемкы про свою політыку ани не думали. Тот простір зарезервуваний лем для выбраных. А русиньскій “субетнос” має сідити тихо – або в стайни, або во вязници – і ся не сіпати. То “панове з Варшавы”, і “панове зо Ждыні” можут робити політыку. Хлопу з Липной ани думати про тото не вільно.

Од того часу політыка “панів” довела до того, же цілого села Липна не найдете на місци.

І то є реальна політыка “панів” політыкєрів!