«A Я[К]» зашол до Солотвин – віторок, год. 20.00

В проґрамі прогулька по істориі Солотвин, якы находят ся в західній части Лемковины. Сучасні є то част Крениці, але давнійше были Солотвины окремым селом. Його сусідство то: од пілночы Яворина, од заходу Прислоп, Верх, Драбяківка, од сходу Гавриляківка і Ясенник. То горбы. А якы інчы села сут поблиз?

Буде дакус про найдавнійшы часы, локацию, першы привілегіі, дакус з істориі парохіі. Не бракне статистик ци опису церкви. Слухайте днес о 20.00 год.

A Я[К]…? – звиджаня і познаваня Лемковины од А до Я. Історично-ґеоґрафічны прогулькы по селах і знаных, або менче знаных, особливостях Лемковины. Што тыжден творена єст нова позиция в радийовій енциклопедиі Лемковины.