«A Я[К]» в селі Чорне – віторок, 20.00 год.

В днешнім одтинку зазриме не лем до села Чорне, не мішати з Чарном або Чырном, хоц то ся любит мішати. Буде тіж про Єжы Чайковского, якій разом з Генриком Ольшаньскым был автором найбільшого проєкту Етноґрафічного Парку в Саноку. Найдете гын очывидні і лемківску част, а в ній – церков з Чорного!

На тепер в селі находят ся дві хыжы та пару колиб. В сезоні по убічах бачы і югасы женут пасти уці. Окрем того є церквиско, мурувана капличка з XIX столітя, придорожны кресты, памятник присвяченый православному священникови – о. Максимови Сандовичови та Талергофцям. До памятника веде едукацийно-історична стежка з таблицями про історию лаґру в Талергофі і жытя сщмч. Максима Ґорлицкого. Одкрытя стежкы проходило 30. вересня/септембра 2017 р. (більше можете чытати гев).

А веце про минуле Чорного і етноґрафа Чайковского днес вечером о 20.00 год. Уж тепер можете позерати на архівальны знимкы зо села в нашій діґітальній бібліотеці.

A Я[К]…? – звиджаня і познаваня Лемковины од А до Я. Історично-ґеоґрафічны прогулькы по селах і знаных, або менче знаных, особливостях Лемковины. Што тыжден творена єст нова позиция в радийовій енциклопедиі Лемковины.