XXV Медженародовий Фестіваль Народной Музыкы «Фольковы Миколайкы»

В днях 10.-13. грудня т.р. в Люблині буде проходил XXV Медженародовий Фестіваль Народной Музыкы, шырше знаний як Фольковы Миколайкы.

На тогорічну едицию конкурсу для “молодых” ансамблів, якы операют і інспіруют ся фольковом музыком, народныма традициями і звуками ріжных культур – «Одкрыта сцена», выступлят м.ін. ґрупы: A gdzie to dawniej stroiło (з Коросна), Dziwdowski Projekt (З Сандомєжа), InFidelis (з Тенчынка), Królestwo Beskidu (З Лаліків) ци Вурай з Міньска. Окрем того, тырват голосуваня інтернавтів, завдякы котрым в фінали найде ся іщы єден ансамбль, серед ансамблів на котры мож голосувати нашол ся лемківскій ансамбль Сестры Бочнєвич, якій успішні выступил в минулу суботу вчас І Фестівалю Лемківской Авторской Творчости «Молода Лемковина», занимаючы ІІ місце і выгрываючы в катеґориі «Голосує Ґамбокнижка» в інтернетовым голосуваню Фейсбуковичів.

Штырі фестівальовы дни мают іщы в проґрамі выставу знимок, конференцию про народну культуру, танцувальны, музычны та варштаты народного ремесла (печыня короваів, прикрашаня пєрників), а вечерами выступувати будут ансамблі з Польщы, м.ін. Капеля Малішів з сусідньой Мацины, Капеля зе Всі Варшава, Матраґона ци специяльний гіст в Угрів – Шерндерго.

За попередні рокы в ріжных частях фестівалю выступували лемківскы і інчы, граючы лемківску/русиньску музыку, ансамблі і солисты, м.ін.: Худоба, Черемшына, Капеля Романа Кумлика, Капеля Древутня, Відимо, Юлия Дошна, Музічка, ци Серенча.

Полний проґрам імпрезы і інформациі о варштатах та вшыткы інчы важны фестівальовы інформациі найдете на офіцийным сайті Фольковых Миколайків mikolajki.folk.pl

Голосувати на Сестры Бочнєвич можете безпосередньо за тым мотузком.