«XVI Нижньошлескє Свято Меду і Вина» в Пшемкові

В днях 26.-27. вересня т.р., в місточку Пшемків на чужыні одбуде ся чергове «XVI Нижньошлескє Свято Меду і Вина». Є то імпреза про любителів пчіл, пасік, меду і вина. Як што рока, так і тым разом, в проґрамі подіі являют ся лемківскы акценты.

Другій ден (неділя), зачне ся о 9.30 год. Службом Божом в грекокатолицкій церкви свв. Космы і Даміана в Пшемкові. То традиция пшемківской імрезы – шторічны богослужыня в інчій святыни. Раз служат єй православны, на другій рік грекокатоликы, а пак рымокатоликы.

Од 15.30 год. в тамтышнім амфітеатрі свій концерт даст Лемківскій Ансамбль Пісні і Танця Ластівочка, котрий діє при Кружку Стоваришыня Лемків в Пшемкові. В попередніх едициях подіі своі концерты давали м.ін. ЛемОН ци Лемківскій Ансамбль Пісні і Танця Кычера з Ліґниці.

Полний проґрам найдете за тым мотузком.

В Пшемові і околичных селах мешкат днес вельо Лемків. В оным рейоні ґрупує ся єдно з найбільшых пунктів лемківского населіня в Польщы по выгнянях в 1947 р. Приняло ся тіж повіджыня, котре підкрислят чысло Русинів в тых околицях: Пшемків – столиця Лемків. 

https://www.youtube.com/watch?v=flxK_prlNeU