XIII Крампняньска Історычна Парада [13 липця]

Парафія в Дошници, Стайня Кумак в Котани, Товариство Любителів Крампной і Околиці та Кружок Сельскых Ґаздынь в Святковій Великій, просят на XIII Крампняньску Історычну Параду з цілью ратуваня церкви в Святковій Великій (церков єст в злым технічным стані і вымагат як найскоршого ремонту).
Парада одбуде ся 13. липця т.р. од год. 13:14 при церковным пляци в Святковій Великій. Вступне дармо.

Додадтковы атракциі парады то: показы історычных боів, показ танця кадриль (елеґантскій, фіґуровий танец з часів Наполеона I), прогулькы кінми, рукодільний ярмак, реґіональна кухня і музыка.

Стараньом орґанізаторів завдякы парадом попередніх років выремонтувано церкви в Котани, Крампній і Святковій Малій.

Церков в Святковій Великій покровы св. Михала Архангела побудувана была в 1757 році (дата тота вырізблена є на надпорожы входу) по части фондацийом Петра Пашкєвича, толдишнього властителя села. Церков є орєнтувана, деревяна, трійдільна, з вежом закінченом ізбицьом. Над олтарьом і храмом вірных дах шатровой конструкциі, закінчений банястима гелмами. Зовнішній ґзимс мал колиси міцни кольоры – черевений, сині і зелений. Середину прикрашат богата поліхромія прикриваюча вшыткы стіны, бані і повалу протвоту. Брак є іконостасу.