We Are All Warhol’s Children – Вшыткы сме діти Варголя

Карпаторусиньскю Общество, одділ Лейк-Мішіґен просит 9. квітня/апріля т.р, на презентацию-доповід пн. We Are All Warhol’s Children; Andy and the Rusyns – Вшыткы сме діти Варголя; Енді і Русины. 

Прелеґентком буде др Елейн Русинко, котра розповіст про достоменніст Варголя і влияня русиньского походжыня на його особу. Енді Варголь (Андрий Варгола), то сын выхідців з Пряшівской Руси, котры еміґрували до Зъєднаных Штатів Америкы. Вартат в тым місци припомянути, же король поп-арту был свідомий свого походжыня і є бодай найбарже знаным Русином во світі. Хоц ціле своє жытя провюл на чужыні, памят про його особу є жыва і в рідным краю, де фунґує Музей Модерной Штукы в Меджелабірцях. Памятат о ним і великій світ, завдякы Музею Енді Варголя в Пітсбурґу, а його працы доднес сут охочо выставляны вельома ґалериями світа. Більше про особу того выдатного Русина чытайте за тым мотузком.

Подія одбуде ся в Вестмонт, в штаті Ілінойс. Веце іформаций – долов, на залученым афішы.