Выстава „Опущены – ратуваны”

26 марця 2014 рока о год. 16.30 в Любліні одбуде ся вернісаж выставы “Опущены – ратуваны. Грекокатолицкы церковны скупины полуднево-східньой Польщы”. Выстава посвячена є білше як сорок церквам, якы на днешній ден не мают своіх опікунів і нищіют або сут уж чысто знищены.
За слово писане выставы, презентуюче повоєнны подіі церкви, одповідат Станіслав Криціньскій – орґанізатор першых інвентаризацийных і ремонтовых обозів на цмонтерях в опорожнілых по Акциі Вісла селах, автор вельох публикаций (дописів, книжок, мап) трактуючых о церквах полудневой Польщы, істориі тых земель і єй інчых забытків.

Коли: вернісаж выставы 26 III 2014 р. о год. 16.30, выстава отворена в днях од 27 III до 20 V 2014 рока.

Де: Католицкій Любельскій Університет Яна Павла II, Ал. Рацлавіцкы 14, Люблін.