Вышли три новы русиньскы книжкы

Як інфомують Інтернетовы новинкы Академії Русиньской културы в Словеньскій републіці, недавно вышли три новы русиньскы книжкы.

Першов є зборник поезії Юрка Харитуна з Кежмарку (родак зо Старины) під назвов Мої надії, котру на 176 сторінках выдала Академія русиньской културы в СР. Другов книжков є зборник поезії Кветы Мороховічовой Цвик із Новых Замків (родачка з чеського Мосту, яка дітинство пережыла у русиньскім Пчолинім). Книжка Мороховічовой Цвик має назву Любовны періпетії (90 сторінок). Останьов книжков є зборник стишків про діти од автора Петра Ялча з Міджілаборець – Мамко, подьме чітати (96 сторінок). Послідні дві зо спомянутых книжок выдав Сполок русиньскых писателів Словеньска.

В припаді інтересу можете контактовати Інштітут русиньского языка і културы Пряшівской універзіты в Пряшові на імейловій адресі urjk@unipo.sk.

Жрідло: www.rusynacademy.sk