Вынаходы і мілийоны

Гварил дзяд до образу, а образ до нього ни разу.

Ґазета для народа „ЛЕМКО” в чыслі 28. за 1912 рік приносит електризуючу віст о тым, як то пан Едісон зачынат роботу для американьского народа о 6.00 рано, а кінчыт єй о пілночы. Як сме скоро порахували, тот трудолюбний чловек робит 18 годин на добу?

А міг бы быти мілийонером. Лем він ніт! Уж вельо зробил для свого народа і надале робит за марны грошы (марны дуляры). Тепер пан Едісон вынашол бесідуючу картину, котра буде оддавати вшелеякы оперы.

Єден такій і нам объявил, же зробит нам радийо два разы туньше і мілийон разів ліпше. Лем внет стратил силы і вснул.