Выголошеный конкурз русиньской літературы

Карпато-русиньскый научный центер в Споєных штатах Америкы выголошує каждорічну Премію Александра Духновіча за русиньску літературу. Премійов тісяч америцькых доларів і бронзовов скулптуров карпатьского медвідя буде оцінена нaйліпша книжка в катеґорії поезії або прозы, котра є написана по русиньскы і надрукована за послідній 5-річный період, інформують Інтернетовы новинкы Акадамії русиньской културы в Словеньскій републіці.

Премію фінанцує Штефан Чепа з Торонта і уділює Карпато-русиньскый научный центер в США. Книгы красной літературы надрукованы в роках 2010 – 2014 мають право здобыти премію в році 2015. Повинностьов авторів або выдавателів є представити і предложыти по 3 екземплары з каждой книжкы з коротков біоґрафійов автора. Матеріалы треба загнати до 1. апріля 2015 р.

Літературны творы буде оціньовати фахова комісія, в котрой складі суть тот рік: Патріція Кравчік (США), Богдан Горбаль (США), Олена Дуць-Файфер (Польща).

Адресы, на якы треба загнати матеріалы:

2 екземплары: Patricia Krafcik, The Evergreen State College, Olympia, Washington 98505  USA   (e-mail: krafcikp@evergreen.edu)

1 екземплар: Olena Duć-Fajfer, ul. Chełmońskiego  72E/13, 31-340 Kraków, Polska

Жрідло: www.rusynacademy.sk