Вундеркінд од Санока – проґрам 70% – субота, 20.00 год.

«Вундеркінд од Санока» ― то веселы істориі о жытю в єдным з лемківскых сел, а і гумористичны оповіданкы о трафунках Лемків, котры выіхали до Совітского Союза. Бо правдивий Лемко все знат вынайти дашто іронічне, ачий саркастичне і там, де інчы будут видіти лем нудны реалиі штоденного жытя.

Але тоты оповіданкы ― то спосіб, якій придумал сой Миколай Фучыло, жыючий днес в тернопільскій области, жебы спомянути на рідну бесіду. І… то добрий спосіб! Автор книжкы Миколай Фучыло вродил ся в 1938 році в селі Воля Нижня, при Яслисках, на Східній Лемковині. Днес споминат своє дітиньство, давны жарты, родинны оповіданя, подіі з молодых років ― і споминат цілий тот лемківскій світ, а довєдна з тым… рідну бесіду. Што з того вышло? Прошу, послухайте!