„Втрачены церкви” – прелекция Даміана Новака, 16 січня 2015 р., Шымбрак к. Ґорлиц

Выставенничо-Конференцийний Осередок Каштель в Шымбарку (одділ Музею Дворы Карвациянів і Ґладышів в Ґорлицях) просит на прелекцию Даміана Новака Втрачены церкви, яка одбуде ся 16. січня 2015 р. о 18.30 год.
Буде то прелекция посвячена неістніючым церквам Лемковины. Запрезентуваных остане дуже цікваых і непубликуваных перше архівальных материялів, а сам прелеґент, на основі новых історичных джерел, зверифікує вельо блудных інформаций подаваных і повторюваных в публикациях, тыкаючых той темы.

Даміан Новак – дослідник і культурознавец, фотоґраф-любитель. Занимат ся історийом ґаліцийской архітектуры (світской і сакральной), ґенеалоґійом, історычном демоґрафійом і конфесийныма одношынями в Ґалiциі і на Подоли. Є автором парудесятьох дописів публикуваных м.ін. на сторонах “Річника Руской Бурсы”, часопису “Маґуры”, ци “Скарбы Подкарпацкє” та книжковых выдавництв.
Через більше як 25 років звязаний был зо Стоваришыньом Маґурич, якє актывні діє для захованя сакральной архітектуры і сепульклярной штукы на обшыри Ґаліциі.