Вступне на Ватру в Михалові дармо!

Вступне на тогорічну Ватру на Чужыні в Михалові буде дармо! На сайті орґанізатора, Стоваришыня Лемків, мож резервувати дармовый вхід.

Як подає Стоваришыня Лемків – тогорічна 41. Ватра на Чужыні буде для вшыткых участників дармовом подійом. Є то спричынене вымогами єдного зо спонсорів. Для ватровичів явит ся тото барз приємном новином. Жебы мати певніст, што не бракне для нас білету, хоц і дармового, то треба сой скорше зарезервувати вхід через сайт Стоваришыня. Чысло місц ограничене є лем до 1000 осіб, што веце – чысло місц для тых, котры не брали вакцины, є уж вычерпане, остал лем вхід для тых ватровичів, якы приняли вакцину.

Особам, котры скорше купили білеты, будут в найблизжым терміні вертаны грошы.

Веце чытайте на сайті орґанізатора.