Вроцлавска стріча з проф. П. Маґочійом – віторок, 20.10 год.

Просиме выслухати пренос стрічы з проф. Павлом Робертом Маґочійом, яка прошла 6. червця/юнія 2023 р. в просторах Вроцлавского Університету.

Подія была такой промоцийом польского выданя книжкы під назвом «Pod osłoną gór. Dzieje Rusi Karpackiej i Karpatorusinów». Подібны того рода стрічы одбывали ся влони – в Варшаві, Кракові, Ґорлицях, Саноку і Зындрановій.

Вроцлавска стріча о тілько цікава, же окрем самой промоциі, была она тіж науковом диспутом, в котрій окрем проф. Маґочія взяли участ проф. Ярослав Сырник і проф. Ґжеґож Грицюк з Вроцлавского Університету та проф. Олена Дуць-Файфер з Ягайлоньского Університету. Проф. Сырник презентувал фраґменты свойой критичной рецензиі, яка не была іщы публикувана (правдоподібно вкаже ся осіню). Модератором стрічы был др габ. Павел Коробчак.

Звіданя з сали давали другы прустины вычкладачы Вроцлавского Університету, в тым докторанты, але тіж пруситны Лемкы.

«Pod osłoną gór. Dzieje Rusi Karpackiej i Karpatorusinów» то бодай перша моноґрафія, в якій находиме історию Карпатской Руси і жыючого там населіня – карпатскых Русинів, дана чытачам в так приступный спосіб. Книжка трактує тіж о Лемковині і єй жытелях, в тым о істориі Русинів в Польщы по 1947 р.