Воєньска історія на Пряшівскій Руси

В суботу 18-го апріля будуть проходити аж дві події заміряны на воєньску історію на Пряшівскій Руси.

Перша подія має назву „Великодня битва“ і одбуде ся в селі Збудьска Біла, окрес Міджілабірці. Подія, котра є орґанізована Пряшівскым клубом воєньской історії „Дукля“ і селом Збудьска Біла, зачінать о 14.00 год. пополідне і є присвячена 100-річніці „Великодньой битвы“, котра одбыла ся почас Першой світовой войны. На події вас чекать реконштрукція тых боїв.

Друга подія, котра одбуде ся в тот самый день, буде в Стебнику, бардейовского окресу. Подія має назву „Карпаты 1914 / 1915“ і окрім демонштрації того, як втогдышні амрады цвічіли, на вас чекать і културный проґрам. Подія зачінать уж о 10.00 год. дополідне і завершіньом події буде так само реконштрукція боїв, котра зачне о 14.00 год. Головным орґанізатором є Клуб воєньской історії Бескиды.

Вшыткых любителів воєньской історії на теріторіях Пряшівской Руси, де бойовали і Русины, сердечно запрошаме.

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА