Вопрос богослужобного языка православных Русинів

Інштітут русиньского языка і културы Пряшівской універзіты в Пряшові дня 25-го окторбра 2017-го року орґанізує вже 44-ый научный семінар карпаторусиністікы. Темов слідуючого семінара буде богослужобный язык православных Русинів.

На семінарі зо свойов лекційов на тему Православны Русины на Словакії і вопрос їх богослужoбного языка (Погляды, вызвы, прямованя) буде выступати Мґр. Петро Савчак, ПгД., із Катедры практічной і сістематічной теолоґії Православной богословской факулты Пряшівской універзіты у Пряшові.

Семінар одбуде ся традічно в засідалні Consilium maius (2. шток, ч. 328) Ректорату Пряшівской універзіты, ул. 17. новембра ч. 15 зо зачатком о 13.00 год. В проґрамі семінара буде і презетація найновшых выдань із карпаторусиністікы.

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА