Во здравіє, Во спасеніє Многая Літа

Днес святкуєме річницю народин найважнійшого лемківского творця музыкы, композитора, дириґента, вызначного музыка, але і писменника і незрівнаного інтерпретатора вершів Івана Русенкы, маестро Ярослава Трохановского. 

Написал музыку до лемківского гымну зо словами Івана Русенкы – На Лемковині.

Ярослав Трохановскій вродил ся 19. лютого 1940 рока в Білцаревій.

В 1969 році Ярослав Трохановскій основал Ансамбль Пісні і Танця ЛЕМКОВИНА в Білянці. През часы інтенсывной концертовой діяльности ансамбль “Лемковина” дал соткы концертів, выховал соткы співаків, музыків і культурных діячів. Маестро Ярослав Трохановскій был єдным з заложытелів Лемківскых Ватр – як пленеровых варштатів ансамблю Лемковина. Тото свято лемківской культуры было пак завлащене през украіньскы орґанізациі.

За цілы рокы жертвенной роботы для свого народу, за любов до рідной землі приймийте шановний ювіляте – Маестро Ярославе Трохановскій, найщыршы желаня од Лемків-Русинів з цілого світа. 

Многая Літа…