Владислав Сивый – перший раз на Лемковині!

При нагоді найблизшых культуральных подій, якы будут проходити на Лемковині (VIII Бієнале Лемківской/Русиньской Культуры – чытайте гев – і XXII Лемківска Творча Осін – гев), запрашаме на концерты Вадислава Сивого – то першы концерты русиньского барда по нашій страні Карпат!

Владислав Сивый, співаючий поета, творця музыкы до своіх текстів, выступит в суботу 11. жолтня о 19.00 год. в Креници (сцена в пияльни мінеральной воды) і о ден, в неділю 12. жолтня о 16.30 год., в Рускій Бурсі в Ґорлицях.

Радийо ЛЕМ.фм высоко рекомендує.

ВЛАДИСЛАВ СИВЫЙ

Паноптікум старых час

Было то уж давно, вірші з ярніх хмар,

у страченім краю, шепкать дітьска тварь…

Мого няня гусель, розжаленый тон,

од циґанів ґріфы, днесь лем цливый сон…

Паноптікум світа з давных, старых час,

сидить в душах нашых, тихо гласкать нас…

Як гориче літо – ствітлый, юный вік,

стара драга селом – уж страченый свір…

Як приходить зима, віршы з темных хмар,

у страченым краю, шепкать хлопська тварь…

Ґрявкот дикых гусок, легкый дотык струн,

замерзнутый облак, потік смутных дум…

Погляд з малой вышкы нашых рідных час,

закрепленый в думках – вшытко добро в нас…

Румба в рукі діда, чути мамин сміх,

гармоніка, гуслі, першый людськый гріх…