Вернісаж выставы „Ікона/Малярство” Данила Мовчана – 16 січня 2015 р., Шымбарк к. Ґорлиц

Выставенничо-Конференцийний Осередок Каштель в Шымбарку (одділ Музею Дворы Карвациянів і Ґладышів в Ґорлицях) просит на вернісаж выставы Ікона/Малярство Данила Мовчана, якій одбуде ся 16. січня 2015 рока о 18.00 год.

Данило Мовчан – абсольвент Львівской Нацийональной Академіі Мистецтва (2006). Єст єдным з найбарже выріжняючых ся львівскых артистів і творців ікон. Головным джерелом інспірациі для його творчости є украіньска ікона середньовіча, з котром зазнаємил ся будучы консерватором. Міцно інспірує ся тіж творчістю Юрия Новосільского. Його іконы, та інчы творы, характеризуют барз проста форма, міцний, чыстий кольор.
Іконы зачал писати вчас наукы в знаным львівскым Коледжу Декорацийной і Хоснувательной Штукы ім. Івана Труша, пак студиюючы на Академіі Мистецтва зазнаємил ся з теолоґічныма основами ікон.
Творы артисты презентуваны были на выставах в Украіні і поза єй границями, а част находит ся іщы в приватных руках або в храмах в Украіні, Білоруси, Польщы, Німцях, ци Канаді.

Выстава буде тырвала од 16. січня до 11. лютого 2015 рока.
Вступне дармо!