Вельокультурово в Кривій

8. серпня т.р. в Кривій буде мож обізріти представліня кривляньскых діти Небо а Земля, послухати концерту Тересы Мірґы і ансамблю Кале Бала, засмакувати ромскых, жыдівскых та лемківскых страв, а вшытко тото в рамках Дня в Кривій, орґанізуваного Стоваришыньом Розвитку Шолтыства в Кривій.

Ден в Кривій є частю більшого проєкту: Сусіды – ґаліцийскій культуровий тиґєль, вчас котрого діти познавали культуру і традициі нацийональных меншын, якы жыли або дальше жыют в Низкым Бескіді. Ден в Кривій то підсумуваня того проєкту. До той поры были уж варштаты о ромскій і жыдівскій культурах, остали іщы о лемківскій. Діти вчас проєкту брали участ в театральных варштатах, якы вела Йоанна Сарнецка. На основі місцевых історий і леґенд зрыхтувано спомнене представліня Небо а Земля. Оповісти з Валізкы (ансамбль, якого членом єст Й. Сарнецка) вчас Дня в Кривій буде презентувал жыдівскы співанкы. Окрем вшыткых выміненых атракций, буде мож іщы навчыти ся основ ромского танця і жыдівской каліґрафіі та мило провести час серед лемківскых гір і убочы.

Ден в Кривій буде проходил попри Гостинци Баниця в Кривій. Проєкт єст реалізуваний з фінансовом підпором Малопольского Воєвідства.