Велия в Радваницях – середа, 20.00 год.

Запрашаме слухати реляцию з різдвяного представліня, котре зрыхтували ученикы з основной школы в Радваницях (повіт Польковиці).

Завдякы дирекциі школы і учытельці русиньского языка в радваницкій школі – Дороті Максимчак, 20. грудня/децембра 2019 р. прошла передсвяточна стріча. Школяре, котры вчат ся лемківского языка, зрыхтували святочне представліня – вертеп і коляды. На стрічу пришол і святый Миколай з дарунками і нагородил труд учеників. Пак учытелька русиньского языка, Дорота Максимчак, підсумувала свою пілторарічну роботу з дітми, а на конец слово для рядия ЛЕМ.фм повіла і директорка школы – Боґуслава Німаш.