„Великє Одкрываня Малопольщы”

4 жолтня 2013 р. в Явірках на Шляхтовскій Руси одбыло ся Малопольскє Сваткуваня Світового Дня Туристикы получене з розданьом преміі в 14. плєбісциті “Великє Одкрываня Малопольщы” орґанізуваным перез Малопольскє Воєвідзтво, Малопольску Туристичну Орґанізацию, Ґазету Краковску, Телевізию Краків і Радию Краків.

Серед нагородженых нашли ся і лемківскы акценты. 

В катеґориі “туристична атракция” выріжнены остали “Карпатцкы Деревяны Храмы вписаны на листу ЮНЕСКО – Деревяны Перлы”, до котрых зараховуют ся м.ін. церков в Брунарах Выжніх, Квятони, Рыхвалді і Поворознику.

В катеґориі “подія” выріжнене остало м.ін. Свато Рыджыка в Высовій, а в катеґориі “смачні і здорово” выріжніня отримала “Корчма Гостинна Хыжа в Кракові і Высовій”.

Ґратулюєме!

Про білше дрібниц смотрте на офіцияльну сторону Малопольского Воєвідзтва: www.malopolskie.pl