Варштаты кривулькы

Університет Народного Артистычного Рукоділа в Воли Санковій орґанізує варштаты выробу традицийной лемківской прикраскы – кривулькы. Варштаты будут проходити в днях 15.-17. мая 2015 р.

Любителі, або любителькы ориґінального рукоділа, будут мати можливіст самодільні під оком інструктора выробити:
– перстін або завішку (мозаіковым способом),
– обручку на руку (при хоснуваню пацюрковых коросен),
– обруч на карк, або на руку подля свого проєкту,
– кульчыкы на уха.

Ціна варштатів то 450 зл, в што входят потрібны пацюркы, спаня та выжывліня.

Дрібниці про зголошыня найдете на сайті uniwlud.pl