Варіня, вышываня, колядуваня і концерт! – Руска Бурса так рыхтує ся до Різдвяных Свят

Як каждий рік, Стоваришыня Руска Бурса в передсвяточным періоді просит на передвелийну стрічу. Уж 27. грудня од самого рана Бурса буде выполнена школярями лемківского языка, якы тым разом своіх сил прібувати будут не при книжках, а при… горцях! Прібувати будут велийны стравы, якыма потім частувати будеме ся вшыткы. Скорше будеме разом іх рыхтувати.

Будеме прикрашати правдиву яличку, але скорше – тіж самы – зрыхтуєме прикраскы. Може спільныма силами поведе нам ся зробити дашто більше, як лем бібулковий ретяз…

Будеме іщы вышывати на піл стіны 🙂 спільні колядувати, а о 15.00 год,, зо святочным репертуаром, выступит ансамбль Терочка!

Не дайте ся просити, вступне дармо.