„Варголовскы“ писанкы в Ужгороді

9-го апріля в Ужгороді коло мініпамятника Анди Варгола, якбач найзнамішого у світі Русина і основателя поп-арту, были одпрезентованы писанкы вытворены як раз тім умелецькім штілі.

Писанкы приготовили штуденты Катедры турізма Ужгородьской націоналной універзіты і робили їх на основі знамых творів Варгола. Почас місяця было зробленых веце як сто „поп-артовых“ писанок. Орґанізаротами той події были скулптор Михаил Колодко і шпеціаліста на турістіку Федор Шандор.

Основным цільом, як інформовали оґанізаторы, было вказати, же великодны писанкы не суть лем традіційов, але же то може быти і цалком новый штіл уменя. Теперь варголовскы писанкы робили штуденты, но орґанізаторы надіяють ся, же за рік, ці два, бы ся така подія могла зробити із участьов професіоналных умелців, котры занимають ся поп-артом.

Найліпшы варголовскы писанковы творы были выбраны про експозіцію Закарпатьского музею народной архітектуры і жывота.

Жрідло: uzhgorod.in

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА