Вакацийна прогулька в «Реґістрі Забытків» – середа, 20.00 год.

Днес запрашам вас на вакацийну прогульку по курортным місточку, котре хоц в обшыри самой Лемковины ся не містит, дословні за гором од нього находят ся такы лемківскы села як Вілька ци Балутянка, а дале Завадка Рыманівска ци Віслочок. В тот горячий, літній вечер запрашам на прогульку до місця, де можеме ся охолодити і узуполнити плыны, што принесе нам подвійний хосен – буде то приємніст добра для здоровля. На лікуючы мінеральны воды Івонича, де днес зайдеме, зъізджали ся курортникы з цілой Европы. Але днес не про воды буде, а про цінну, XIX-вічну забыткову забудову Івонича, яку вписуєме в радийовым «Реґістрі Забытків».

Слухайте (а при нагоді і пообзерайте знимкы) днес вечером в радию ЛЕМ.фм. Запрашам!

Вшыткы знимкы взяты за fotopolska.eu

Премєра «Реґістру Забытків» днес о 21.00 год., повтріня о 3.00, 9.00, 15.00 год. наступного дня за лемківскым часом.