В найблизшу суботу голосуйме в The Voice of Poland на Ґосю Пауку

24. листопада/новембра 2018 р. пройде дальший одтинок популярного музычного шов, якє трансмітуване є в польскій публичній телевізиі. В суботнім проґрамі The Voice of Poland надале будеме підтримувати Лемкыню – Ґосю Пауку.

Ґося міцно ся тримат. Хоц в попереднім одтинку част з выступуючых конечно одпала, Ґося Паука змогла перейти дальше і уж в тоту суботу будеме єй видіти в другым выстпуліню нажыво. Вокалистка перешла завдякы голосам публикы, якы были оддаваны через посыланы відомости SMS.

Як інформувала в бесіді з нашом редакцийом Ґося Паука, найліпше слати відомости з голосами по єй выступліню нажыво. Ліпше наперед не давати голосів, понеже рахуючий систем може быти іщы неодкрытий.

Детальны інформациі тыкаючы чысла, з якым выступит співачка, а і номер, під котрий треба буде посылати відомости, заявлены будут в суботу.

Долов поміщаме короткє слово од Ґосі Паукы і єй Мамы. Лемкыня зо Середы Шлезской, што ся находит близко Вроцлавя, рахує на нашы голосы. На нашым портали – за тым мотузком – можете чытати архівальне інтервю з артистком.

Початок суботнього, премєрового одтинка The Voice of Poland о 20.05 год. в проґрамі TVP2.

https://www.youtube.com/watch?v=OGaiKLn2Vm0