В лемківскым селі Вороблик Королівскій зниманы сут сцены до фільму

Як заявлят інформацийий порталь www.terazkrosno.pl, на східній Лемковині в селі Вороблик Королівскій зниманы сут кадры до фільму Велика студін. То французско-бельґійско-польска чорна комедия, котра творит ся на основі книжкы «Едмон Ґонґльон і сынове» Жоеля Еґльофа.

В Вороблику Королівскым фільмовці на пару днів затримали ся на місцевым грекокатолицкым цмонтери. Страху чорній комедиі додає факт, же акторы порушают ся старыма, забытковыма караванами. Фільм оповідат про банкрутуючу похоронну фірму в малій місцевости, до котрой приходит родина з небіщыком. Од той поры, вшытко наберат кошмарного выміру.

Во фільмі Велика студін заграют знаны французскы і бельґійскы акторы, м.ін. Жан-Пєр Бакрі, Олівє Ґурме, ци Артюр Дупон.

Вороблик Королівскій то русиньскє село на східній Лемковині, основане в ХV ст., котре до 40. років ХХ ст. было заселене Лемками. В селі находит ся грекокатолицка церков з 1888 рока. Є то святыня мурувана, з 5 банями, а попри ній стоіт архітектонічні подібна, мурувана дзвінниця.

Більше інформаций і знимкы з пляну – за тым мотузком.