В Гуменнім будуть ставати май

Містьскый културный центер в Гуменнім орґанізує дня 1-го мая 2015 р. културну подію, в рамках котрой ся буде, як то традічно было на нашых селах, ставати май.

Ставаня мая зачне о 16.30 год. пополідне перед Домом културы. О проґрам ся там постарать Основна умелецька школа – танечне одділіня під веджіньом Любіці Годованцьовой.

Уж о 14.30 год. пополідне зачне културный проґрам на амфітеатрі в Гуменнім. В проґрамі будуть выступати Фолклорный співацькый колектів Верховчан, Фолклорный колектів Розмарія і Мужскый співацькый колектів Русинія.

Вшыткы суть сердечно витаны.

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА