Як інформує офіцияльний сайт Православного Осередка Милосердя «Елеос», в селі Ґладышів на середній Лемковині буде побудувана нова православна церков. Архітектура храму має своім выглядом навязувати до неістнуючой днес цекрви свв. Космы і Даміана з Незнайовой.
![cerkow_neznajowa](https://www.lem.fm/wp-content/uploads/2015/11/cerkow_neznajowa-233x300.jpg)
Храм з Незнайовой был побудуваний в 1780 році в традицийным західньолемківскым стилю. Церков служыла вірным до 1930 р., коли в селі побудувано нову православну церков. Деревяна святыня не была хоснувана од того моменту до періоду выселінь з років 1945-47. Фінальні, завалила ся в 1964 р., а вежа впала 1973 в році.
![cerkow_neznajowa1](https://www.lem.fm/wp-content/uploads/2015/11/cerkow_neznajowa1-226x300.jpg)
Деякы лемківскы церкви (в Квятони, Рыхвалді, Поворознику, Брунарах), будучы проимірами західньолемківского стилю, были в 2013 році вписаны на Листу Світового Дідицтва ЮНЕСКО. Будуча нова церков в Ґладышові має навязувати до той традицийной архітектуры.
![cerkow_neznajowa_3](https://www.lem.fm/wp-content/uploads/2015/11/cerkow_neznajowa_3-218x300.jpg)
Протягом остатніх 30 років на Лемковині побудувано пару новых церкви. Першу, од часу выгнаня в 1947 р., вознесено в Зындранові, в роках 1983-85. Другы храмы, то м.ін церков св. Владиміра в Креници, або церков в Реґєтові. Вшытыкы они в деякій мірі навязуют до традицийного західньолемківского стилю сакрального будівництва. Сут і чужы архітектонічны влияня – на переломі 80/90. років ХХ в. побудувано нову православну церков в Ґорлицах, а не так давно (в 2014 р.) консекруваний был новий храм в Білянці.
![Zyndranowa_-_Church_01 (1)](https://www.lem.fm/wp-content/uploads/2015/11/Zyndranowa_-_Church_01-1-300x200.jpg)
![cerkow_regetiw_facebook](https://www.lem.fm/wp-content/uploads/2015/11/cerkow_regetiw_facebook-200x300.jpg)
![cerkiew_bielanka](https://www.lem.fm/wp-content/uploads/2015/11/cerkiew_bielanka-300x225.jpg)
Кєд мате змогу підперти фінансово будову новой церкви в Ґладышові – войдте в сес мотузок.