Уж єст – нова «Бесіда»

Доступний єст найновший номер часопису «Бесіда» (но. 5 (146), вересен-жолтен 2015), a в ним до прочытаня м.ін.:

• Севериян Косовскій, Ставишскє воскресіня;
• дві реляциі авторства Ваня Дзядика: Зындраніскы Русаля та Чмелівскє пращаня літа;
• Андрий Копча, 35. Лемківска Ватра в … 35+ горяча;
• коротка бесіда Петра Медвідя з Євгеном Жупаном Русины не мають зо стріляньом нич про остатні подіі в Мукачеві на Підкарпатскій Руси;
• Даміан  Трохановскій, 10 років памятника Никыфора – Епифана Дровняка;
• дальшы нагороджены працы учеників основных шкіл і ґімназий з конкрусу Культура нацийональных і етнічных меншын малювана словом орґанізуваного Малопольскым Осередком Досконаліня Учытелів, Одділ в Ноым Санчы, тепер печатано працы Павла Феціцы, Анны Вірхняньской і Мариі Канюк.

Двомісячник «Бесіда» то часопис Головного Заряду Стоваришыня Лемків, выходит од 1989 рока, посвячений єст збережыню істориі, культуры і языка Лемків, інформуючий о жытю нашой і братніх нам соспільности, плекаючий вірні надіі прадідів і вітців.

«Бесіду» мож почытати в бібліотеці Руской Бурсы в Ґорлицях, котра отворена єст в каждий понедільок в годинах 14.00-18.00, або по індивідуальным догваріню в інчым терміні. Ґазета є тіж доступна в бібліотеці Кружка Стоваришыня Лемків в Ліґници.