Уж є – нова „Бесіда”

Доступний є найновший номер часопису „Бесіда” (нр 5 (140), вересен-жолтен 2014), a в ним до прочытаня м.ін.:
– П. Трохановскій, Вертат ся нам час далекій – допис про подію одкрытя памятника Князя Лабірця в селі Габура;
– Б. Ґамбаль, Русины одышли. В 70 річницю депортациі Русинів на Украіну;
– реляция з тогорічной лемківской ватры в Михалові, оком і пером членок ансамблю Терочка;
– Одышол бард Білцаревы і Лемковины – о Семані Мадзелані пише його краян П. Трохановскій;
– рецензиі выдавниств: Анна Рыдзанич о другій части платні Пісні і сьпіванкы Петра Мурянкы, Уршулі Ґаліньской о книжці Latynizacja Kościoła Unickiego w Rzeczypospolitej po Synodzie Zamojskim авторства о. дра Дариюша Цьолкы, а про книжку Kto siedzi na miedzi(y) під ред. Юрка Стариньского написал Петро Трохановскій.

Двомісячник „Бесіда” то часопис Головного Заряду Стоваришыня Лемків, выходит од 1989 рока, посвячений є збережыню істориі, культуры і языка Лемків, інформуючий о жытю нашой і братніх нам соспільности, плекаючий вірні надіі прадідів і вітців.

„Бесіду” мож почытати в бібліотеці Руской Бурсы в Ґорлицях.
Бібліотека отворена є в каждий понедільок в годинах 15.00-17.00 і в кажду пятницю од 9. до 11. годины.