Уж мож чытати нову «Бесіду»

Кінцьом лютого/фебруара т.р. напечатаний был послідній номер часопису Стоваришыня Лемків – «Бесіда» (но. 1 (154), січен-лютий 2017), a в ним до прочытаня м.ін.:

• Наталія Малецка-Новак, Спадковина по Барбарі Тондос і Єжы Турі в Рускій Бурсі;
• Александер Кликовскій, Згоріла плебанія в Лугах. Поможме в нещестю!;
• Севериян Косовскый, Посвячыня памятника в Ріпках;
• о. Мирослав Цідило, Крестний пут – з Лемковины на західні землі,
• Анна Рыдзанич, Сила і надія лемківской культуры – ІI ч. реляциі з ювілею ЛАПіТ Ластівочка; 
• Павльо Ханас, ХХIV Стріча з лемківском культуром в Ґожові Великопольскым;
• Наталія Малецка-Новак, Ден Русина в Польщы;
• Antoni Kroh, Za tamtą górą; 
• Богдан Горбаль – Руска Народна Республика Лемків – пару слів поясніня; 
• Дмитро Бедзик – Віче; 
• Петро Трохановскій – 4000 кільометрів в 7 дни (2);

Окрем поміненых выже статій, в найновшым чыслі «Бесіды» годны сте найти список найважнійшых подій з Лемковины і споза єй границ за місяці листопад/новембер – груден/децембер 2016 р. Як все «Бесіда» приносит порцийку текстів з інчой доступной пресы, прим. польской ци словацкой. При кінци ґазеты найдеме одозву до Конечнян, котры плянуют зорґанізувати зъізд селян на літо т.р. (о чым писали сме шырше і на портали лем.фм). Выдавнича поличка приносит нам рецензиі остатньой книжкы Антония Крога – За тамтом гором, Річника Руской Бурсы 2016 та Лемківского Річника (выд. СЛ). 

Двомісячник «Бесіда» то часопис Головного Заряду Стоваришыня Лемків, выходит од 1989 рока, посвячений єст збережыню істориі, культуры і языка Лемків, інформуючий о жытю нашой і братніх нам соспільности, плекаючий вірні надіі прадідів і вітців.

«Бесіду» мож почытати в бібліотеці Руской Бурсы в Ґорлицях, котра отворена єст в каждий понедільок в годинах 14.00-18.00, або по індивідуальным догваріню в інчым терміні. Ґазета є тіж доступна в локальных Кружках Стоваришыня Лемків в Польщы.