В минулу суботу, 18. червця/юнія, православна громада села Ґладышів торжественно посвятила угольный камін під будову новой церкви, яка уж неодолга стане посередині села.
Храм буде вознесеный в чест св. Йоана Крестителя – так як каплиця, в котрій молят ся тепер православны селяне. Суботні богослужыня очелювал архієпископ Паісий, владыка перемышльско-ґорлицкой єпархіі ПАПЦ.
Основа будовы
В посвячыню окрем владыкы Паісия участ взяли священникы з ґорлицкого і креницкого деканатів та приіздный з Украіны о. Богдан Білас. В подіі взял участ і війт ґміны Устя Рускє Збіґнєв Людвін, інжынєр Януш Ротко та выконавця конструкциі той деревяной церкви, Вєслав Тваруґ.
Наперед єпарха пояснил зобраным теолоґічный вымір обряду положыня угольного каменя, в котрым нашли ся мощы Святых Вифлеємскых Мучеників, та попросил о молитву за спільне діло побудуваня ґладышівского храму.
Кульмінацийным пунктом было посвячыня каменя і зложыня го до фундаментів церкви вєдно з ерекцийным актом, якій был підписаный правлячым архієрейом.
Посвячыня угольного каменя і будова церкви зышли ся з 75. річницьом выгнаня Русинів з Лемковины, прото тіж будова новой церкви в Ґладышові має быти памятком на тоты траґічны подіі і засвідчати про тырваня на рідній земли.
Наша, деревяна, лемківска
Властива будова церкви має зачати ся іщы того літа. Храм буде складаный зо зрыхтуваных скорше деревяных елементів – подля первістного пляну давной незнаівской церкви.
На праздник св. Йоана Крестителя, 7. липця/юлия 2018 р. был посвяченый пляц під будову церкви. Першы роботы зачали ся в листопаді/новембрі 2020 р. Будову вєдно з парохіянами зачал попередній парох села о. Аркадий Баранчук, а успішно продолжат єй теперішній настоятель о. Ярослав Ґрич.
Деревяна церков, яка стане в центрі села, буде репліком неістнуючой уж церкви свв. Космы і Даміяна з Незнайовы, яка остаточно завалила ся в 70. роках ХХ ст.
Тепер православны селяне молят ся в памятковій деревяній каплици св. Йоана Крестителя, яка находит ся при єдным з бічных пути в середині села.
To provide the best experiences, we use technologies like cookies to store and/or access device information. Consenting to these technologies will allow us to process data such as browsing behavior or unique IDs on this site. Not consenting or withdrawing consent, may adversely affect certain features and functions.
Functional
Always active
The technical storage or access is strictly necessary for the legitimate purpose of enabling the use of a specific service explicitly requested by the subscriber or user, or for the sole purpose of carrying out the transmission of a communication over an electronic communications network.
Preferences
The technical storage or access is necessary for the legitimate purpose of storing preferences that are not requested by the subscriber or user.
Statistics
The technical storage or access that is used exclusively for statistical purposes.The technical storage or access that is used exclusively for anonymous statistical purposes. Without a subpoena, voluntary compliance on the part of your Internet Service Provider, or additional records from a third party, information stored or retrieved for this purpose alone cannot usually be used to identify you.
Marketing
The technical storage or access is required to create user profiles to send advertising, or to track the user on a website or across several websites for similar marketing purposes.
