Ученикы, музиканты і співакы (реляция зо Свидника) – неділя, 18.00 год.

Од 20 років тырват мериторична спілпраца медже ріжныма ґрупами з Польщы а учытелями і учениками з Основной Артистичной Школы во Свиднику на Пряшівщыні. Днес буде о проєкті, якій во Свиднику реалізували ученикы з лемківской ґрупы Квіточок, котра діє при ліґницкій Державній Музичній Школі.

Хоц ученикы з Ліґниці мали на початку лютого/фебруара зимове вільне од школы, то і так рішыли піти хоц-лем на пару дни до Свидника провести музичны варштаты. Завдякы директорови свидницкой школы – Марцельови Прокопови, та інчым учытелям, як тіж завдякы активности культурного лемківского діяча, а заєдно вызначного музика, Андрия Перегрима зо Заходу і учытелькы з ліґницкой музичной школы – Богумилы Квятковской, прошли творчы музичны варштати і спільне музикуваня зо свидницкым ансамбльом Маковичка. Богумила Квятковска основала і веде ліґницкій ансамбль Квіточок.

На конец проєкту в выполненій публиком сали артистичной школы прошол концерт, якій дали жакы обох шкіл. Запрашам слухати реляцию з концерту, а на конец і коротку бесіду з Ольом Мереном – з талантливом акордеоністком з ансамблю Квіточок з Ліґниці.