Ци Лемкы ворожыли си на велию св. Андрия?

Джерела подают, што молоды любили ся побавити в велию св. Андрия. Мы знаме, же не лем товды, але же ближыт ся тот ден, а і Филипівка, то просиме до Бурсы на остаткову неформальну стрічу.

Знаме тіж, што некотрых обовязує уж різдвяный піст, то іх просиме на вечіркы. «Вечіркы полнили важну товариску функцию і мимо тырваючого посту – розрывкову».

Стрітме ся в суботу 25. листопада/новембра тр. Од 17.00 годины будеме вас ждати. Буде музика, буде штоси тепле до зіджыня, а і до попитя. Кєд мате дяку, може принести даку закуску.

Може дахто з вас буде знал, як інтерпретувати плываючы на воді іглы, з котрых ворожыли си молоды дівчата? Або якій сон мало выкликати підложыня холошен під заголовок? В ворожбах дівчата мали радити ся пацята в кучы (!), пса, добрі было порахувати колкы в плоті і конечно смотріти, хто як першый приде домів – подібні як на велию Святого Вечера, і на велию св. Андрия щестя ґарантувало, коли был то хлоп. Брак успіхів приносила баба…