Табір в Лемківскій Едукацийній Загороді – реляция – віторок, 21.00 год.

І того рока Стоваришыня Руска Бурса в Ґорлицях, разом з властителями Лемківской Едукациной Загороды в Ґладышові – Данутом і Ваньом Дзюбинами – были орґанізаторами ІІ едициі табору для діти і молодежы. По успішным влонишнім предприятю і в тым році до Дзюбинівкы приіхала ґрупа 15 осіб, якы през тыжден гын мешакли і брали участ в ріжного рода занятах, якы вказували жытя Лемків перед 100 роками, як тіж шліфували свій лемківскій язык і одпочывали.

І тым разом радийо лем.фм было гын зо своім ґадалом. В реляциі найдете інтервю з головным інструктором п. Ваньом Дзюбином, як і опікунком, улытельком Варваром Дуць. Про сам табір і занятя оповіст тіж сама молодіж. В матереиялі найде ся тіж пробка журналістычной роботы участників, якы одбыли з нашом репортерком короткы радийовы варшаты. Може помедже тыма молодыма людми находит ся будучий журналіста радия лем.фм?

На реляцию Лемківской Едукацийной Загороды просиме 21. липця о 21.00 год. Повторіня о 9.00 і 15.00 год. наступного дня.