Судный ден – Напілперек (сезон 5) нажыво – понедільок, 20.00 год.

Великє чысло слухачів долго нас просило, просило. Одказували і присылали жаданя привернути каждотыжньовый проґрам циклично повторювальный.

Правда, долго сме катуляли колесо дискусиі, обертали го горізнач, не хотіли чути закликів, прошынь, аж і наказів, бо доказы все ся найдут, лем параґраф треба добрый высмотріти. Позерали сме на себе, же не тямиме, в чым діло, але не помогло. Хочеме лем припомунти, што лем з причыны ідучого кінця, якій буде новым зачатком, сприятливы ідеі дальшого непрестанного бытя і жытя радия ЛЕМ.фм будеме спомненый проґрам робити. Коментуйте, оцінюйте, поплітуйте і клеветайте клев-клев. Мы на тото зрыхтуваны.

Судный ден уж надышол. Тым, што думают, же досягнули сме дна і гірше уж не буде, повіме – вы в блуді. Фальшывы пророкы, што пишут посты во вшыткы посты, най ся навернут. Тепер може быти лем гірше

Просиме на 20.00 год. в понедільок, 25. марця 2019 рока. Нажыво – лем в радию ЛЕМ.фм!