Сучасна Карпатска Народна Різба в Камени

Директор Округового Музею в Новым Санчы Роберт Слюсарек і директор Реґіонального Осередка Культуры в Бєльско-Бялой Лешек Мілошевскій, просят на торжественне розвязаня ІІІ конкурсу різбы і вернісаж поконкурсовой выставы Сучасна Карпатска Народна Різба в Камени.
Хоц камінна різба в Карпатах і на Підкарпатю має уж долгу традицию, то в остатніх роках зачала заникати, бо што раз рідше по таку форму сігают і місцевы народны творці і вывчены артисты. Зато цілю конкурсу є популяризуваня того рода мистецтва і одтвлечыня в часі загыбніня камінярской професиі. Перша едиция проєкту проходила в 2002 році, а наступна в 2008. Є то єдина того рода акция реалізувана на обшыри Карпат в остатніх десятлітях. Дотепер, участ в проєкті взяло 34. різбярів з Польщы і народных творців з карпатской обшыри Словациі.

Подія буде проходила 20. вересня т.р. о 12.00 год. в Ґаліцийскым Місточку Сандецкого Етноґрафічного Парку в Новым Санчы (ул. Лвівска 226).