«Стрічы в Бескідах» – реляция з Лемківского Вечера в Коросні / четвер. 21.00 год.

2. вересня/септембра 2016 р. в Коросні проходил Лемківскій Вечер. Може чудувати, же в Коросні, польскым місті, така подія. Але як ся дознате з проґраму – присутніст Лемків в Коросні, то не такє чудо, а уж напевно не нова справа.

Запрашам до выслуханя популярно-науковой доповіди дра Тадеуша Лопаткєвича про «Стрічы в Карпатах», бо і стрічы были ведучом темом… стрічы. 🙂 Др Лопаткєвич бесідувал м.ін. про стрічу волошского осадництва з Балканів з Карпатами, про стрічу волохів-пастырів з місцевыма ґаздами-рільниками, про стрічу тых же пастырів з такым явиском, як велика земельна власніст і выникаючыма з ней осадничыма процесами, волошскым правом і інчым. Дале – про стрічы православных люди з католиками, про унію – хто приступил і коли, а хто ніт, про односины медже єпископами. Затримал ся тіж хвилю др Лопаткєвич при темі стрічы Лемків з барскыма конфедератами, пак перешол до стрічы Лемків з Росиянами. Закінчыл на стрічах Лемків з інчыма нациями. Цілу доповід др Лопаткєвич дополнял выбраныма цитуванями з джерел.

Тот пятничний вечер был тіж стрічом з лемківском музыком, за справом ґрупы А Де То Давнійше Строіло, ансамблю з Коросна, в котрым дві членкы з Лемками повязаны сут кус барже, як лем через співаня лемківскых пісен.

Запрашам до слухана – четвер, 21.00 год., а ниже позерайте на знимкы з подіі (фот. Д. Новак).